Einföld, bragðgóð og holl gulrótarsúpa.
Það er alltaf fljótlegt að skella í góða súpu, þessi er í miklu uppáhaldi hjá mér.
Hráefni
- 1 poki eða 500 gr gulrætur
- 1 laukur
- 1 epli
- 3-4 hvítlauksrif
- 400 ml kókosmjólk
- 1 tsk túrmerik
- 1 grænmetisteningur
- smá salt
- 1 msk kókosolía ( eða jómfrúarolía)
- 1 L vatn
Aðferð
- Byrjið á að flysja gulrætur og epli og skera það gróflega niður.
- Saxið niður lauk smátt og hvítlauksrifin setjið þið í pressu.
- Setjið olíu í pott og bætið gulrótunum, lauknum, hvítlauknum og eplinu saman við og mýkið aðeins.
- Bætið vatni saman við ásamt kókosmjólkinni, grænmetistening, túrmerik og smá salti að vild og látið sjóða í um 25 mínútur eða þar til að gulræturnar eru soðnar.
- Setjið næst blönduna í matvinnsluvél eða notist við töfrasprota til þess að mauka grænmetið.
- Njótið þess að borða þessa einstöku súpu með góðum brauðbollum með smjöri.
Verði ykkur að góðu !