Deig frá Humlum að eigin vali, ég hef prófað bæði gróft og fínt í humarpizzuna og bæði var æði
6-8 hvítlauksrif marin
1 dl ólífuolía
1 tsk þurkkuð steinselja
1/2 box sveppir eða um 125 gr c.a
1-1,5 bolli rifinn parmesan
1 poki rifinn pizzaost eða rifinn mozzarella ost
330 gr humar skelfléttur
Salt
Chili flögur
Ferskt timian í potti
Aðferð
Byrjið á að kveikja á ofninum á 200 C°blástur
Rúllið deigið út á bökunarplötu
Leyfið deiginu að standa á plötunni undir hreinu stykki meðan allt hitt er gert klárt
Setjið ólífuolíu, marinn hvítlaukinn og steinselju í skál og leggið til hliðar
Ef þið eruð ekki búin að afþýða humarinn er allt í lagi að setja hann í sigti og láta sjóðandi heitt vatn renna á hann þar til hann er rétt afþýddur, en best er að vera búin að leyfa honum að þiðna í kæli yfir nótt
Takið svo humarinn og setjið hann ofan á eldhúsbréf og þerrið af honum með meira eldhúsbréfi þar til mesti rakinn er farinn úr honum því annars verður pizzan rennandi blaut
Skerið sveppina í sneiðar
Stingið nú nokkur göt í botninn og forbakið í 5 mínútur
Penslið svo pizzabotninn vel yfir hann allann með hvítlauksolíunni og leyfið smá mörðum hvítlauknum að fylgja með, en þó ekki of mikið
Dreifið næst rifna pizzaostinum yfir og setjið svo sveppina þar ofan á
Raðið humrinum yfir sveppina og penslið létt yfir aftur með hvítlauksolíunni og saltið örlítið með grófu salti
Stráið svo að lokum rifna parmesan ostinum yfir allt og toppið með fersku timian Chili flögum (ekki of mikið af þeim samt)
Bakið á 235 C° blæstri í 8-10 mín eða þar til pizzan er orðin fallega gyllt