Þetta er ekki svona hefðbundið ostapasta þar sem sósan á að vera þykk og rjómakennd heldur verður sósan meira eins og gott soð sem umlykur svo allt pastað með dásamlega hvítlauksbragðinu. Það sem má alls ekki gleyma í góðum pastarétti eru ferskar kryddjurtir eins og steinselja og tímian sem fer bæði afar vel með fiski og hvítlauk.
Hráefni
- 1-1 1/2 geiralaus hvítlaukur eða 4-6 hvítlauksrif
- 1/2 dl extra virgin ólífuolía
- 1 tsk þurrkuð steinselja
- 1/2 tsk borðsalt
- 250 gr skornir sveppir
- 120 gr rifinn parmesan ostur
- 400-500 gr humar (skelfléttur)
- 200-300 gr beikon
- 2 dl matreiðslurjómi
- 25 gr smjör
- 250 gr tagliatelle (vigtað ósoðið)
- 1/2 dl furuhnetur
- Nokkrar chiliflögur (má sleppa)
- fersk steinselja eða timian
Aðferð
- Byrjið á að gera hvítlauksolíu úr olíunni, hvítlauknum, steinseljunni og saltinu sem eru fyrstu 4 hráefnin með því að hræra mörðum hvítlauknum saman við olíuna, saltið og steinseljuna og leggjið til hliðar
- Bræðið næst 25 gr af smjöri á pönnu og steikið sveppina upp úr því og saltið létt yfir
- Þegar sveppirnir eru orðnir dökkir klippið þá beikonið eða skerið og setjið út á pönnuna með sveppunum þar til það verður bleikt að lit
- Takið svo af pönnuni og setjið til hliðar á disk
- Setjið svo hvítlauksolíuna alla á pönnu við vægan hita og setjið humarinn út á og og chiliflögur yfir. Steikið við vægan hita svo hvítlaukurinn brúnist ekki né brenni, passið það vel !
- Setjið svo 120 gr af rifnum parmesan osti út í ásamt matreiðslurjómanum, saltið létt yfir og piprið
- Setjið svo beikonsveppina út á og leyfið að malla í eins og fimm mínútur eða á meðan pastað er soðið í potti
- Þegar þið sjóðið pastað saltið þá vatnið það vel að það verður nánast eins og sjóvatn en þannig lærði ég að ætti að sjóða pasta
- Takið svo pastað að lokum og sigtið vatnið frá og hellið humar/beikon blöndunni ásamt öllu soðinu yfir og sáldrið vel af fersku timian eða steinselju yfir og ristaðar furuhnetur
- Berið fram með fersku salati, góðu snittubrauði og enn meira parmesan til að sáldra yfir