• Fyrir 4

Hráefni

• 4 hamborgarabrauð (ég notaði kartöflubrauð og hægt er að nota líka brioche brauð)
• 7 egg
• 2 msk rjómi
• salt og pipar
• c.a 300 gr beikon +
• 4 cheddar ostasneiðar
• lambhagakál í potti
• 3 stk bufftómatar

Sósan

• 2 dl Heinz majónes
• 1/2 tsk sítrónusafi úr ferskri sítrónu (helst ekki úr belg)
• 1/2 tsk grófmalaður svartur pipar
• 1/2 tsk fínt borðsalt
• 2 msk ferskur graslaukur smátt klipptur

Aðferð

1. Byrjið á að gera sósuna með því að hræra öllum innihaldsefnum vel saman og klippa niður graslaukinn ofan í og hræra
2. Hitið svo ofninn á 200 C°og setjið beikon á bökunarplötu með bökunarpappír á, mér finnst mjög gott að krulla það með því að snúa sitthvorn endanum í öfuga átt og strá svo púðursykri yfir það en því má sleppa. Eldið í ofni þar til
3. beikonið er stökkt og djúpur litur kominn á það
4. Gerið eggjahræru á meðan með því að hræra saman eggjunum, rjómanum og salta og pipra
5. Mér fannst gott að hræra sem minnst í hrærunni og gera svona millistig af ommelettu og eggjahræru sem ég skar svo í 4 sneiðar til að setja á hvert brauð
6. Setjið nú brunchlokuna saman með því að setja graslauksmajónes á botninn, svo kemur Cheddar sneið, kálblað, tómatur, eggjahræra og beikon efst ofan á
7. Smyrjið nú lokið af brauðinu líka vel með graslauksmajó og setjið í ofn við 180 C°í eins og 3-5 mínútur eða þar til osturinn er aðeins bráðinn

Fyrir krakkana myndi ég bara skella góðri tómatssósu á brunchlokuna enda margir krakkar ekkert mikið fyrir majónes sósur eða flókna rétti.