Fyrir 4-6

Hráefni

• 1 poki gróf grjón 
• Salt, sítrónusafi og þurrkuð steinselja til að krydda grjóninn
• 700-1000 gr ýsa 
• 1 lítil dós ananas 
• 1/2 gul eða appelsínugul papríka
• 15 gr kókósflögur eða kókósmjöl 
• 1 stór dós kotasæla
• 1 dós sýrður rjómi með graslauk (þessi í grænu dollunum) 
• Smá bunt af ferskum graslauk 
• 2 msk hunang 
• 3 msk sætt sinnep
• Rifinn ostur
• Oggupons papríkuduft 
• salt og pipar

Aðferð

1. Byrjið á að sjóða grjóninn og saltið, setjið sítrónusafa og þurrkaða steinselju út í vatnið eftir smekk
2. Þegar grjónin eru soðin setjið þau þá í botninn á eldföstu móti
3. Raðið svo ýsubitunum yfir og saltið og piprið (gott er að vera búin að láta ýsubitana liggja á eldhúspappír til að þerra sem mestan rakan úr þeim)
4. Skerið papríku í litla bita og dreifið yfir ýsuna ásamt kókósflögunum og ananas
5. Smyrjið svo næst kotasælunni yfir allt saman
6. Næst er svo að gera sinnepssósuna með sýrða rjómanum, hunanginu og sæta sinnepinuen því er öllu hrært vel saman ásamt graslauknum
7. Hellið svo sinnepssósunni yfir kotasæluna og dreifið rifna ostinum yfir allt heila klabbið.
8. Gott er svo að setja oggupons af papríkudufti yfir ostinn.
9. Hitið svo réttinn í ofni við 200 C°blástur í 35 mínútur
10. Gott er að láta réttinn standa og blása aðeins úr sér í 10 mínútur áður en hans er neytt