Ítalskar kjötbollur með rifnum osti.
Hráefni
- 1 bakki nautahakk
- 1 poki rifinn Mozzarella ostur frá Gott í matinn
- 1 pakki Ritz kex
- 1 stk. sítróna
- 2 stk. laukur
- 4 stk. hvítlauksrif
- pastasósa
- ítalskt panini krydd og Best á allt
Meðlæti
- Nóg af rifnum osti, t.d. Parmesan eða Óðals Tindur
- salat
- pastasósa fyrir þá sem vilja
Aðferð
- Setjið nautahakkið í stóra skál og kryddið vel. Kreistið safann úr einni sítrónu yfir hakkið.
- Skerið laukinn og hvítlaukinn frekar smátt og bætið út í skálina.
- Brjótið Ritz kexið niður í mylsnu og setjið saman við ásamt einum poka af mozzarella osti.
- Hnoðið öllu vel saman og mótið litlar bollur. Steikið á miðlungs hita þar til þær eru farnar að brúnast vel.
- Pastasósunni má hella yfir bollurnar rétt í lokin eða hita og hafa hana til hliðar.
- Berið fram með nóg af rifnum parmesan osti og góðu salati.
- Bollurnar eru ekki síðri daginn eftir. Þá er hægt að sjóða pasta og hafa með þeim. Einnig er lítið mál að frysta þær og taka út þegar hentar.
Eftir Tinnu Alavis
