Þessi réttur er í miklu uppáhaldi hjá mínum börnum sem bæði eru matvönd. Hann er einfaldur og ljúffengur og tekur ekki langan tíma að skella í hann.
Hráefni
- Einn pakki kjúklingalundir eða kjúklingabringur
- 2 egg, pískuð
- 1 ½ bolli hveiti
- salt og pipar
- 5 hvítlauksrif
- chilli (má sleppa)
- matreiðslurjómi
- spaghetti 400 g
- Parmesanostur
- Kjúklingakraftur, ca ½ teningur
Aðferð
- Sjóðið spaghetti samkvæmt leiðbeiningum á pakka, munið að salta vatnið.
- Ef notaðar eru bringur er gott að mýkja þær með kjöthamri, það þarf ekki ef notaðar eru lundir.
- Skera kjúklinginn í litla bita, salta og pipra.
- Setjið í lítinn pott ólífuolíu, saxaðan hvítlauk (ég nota alveg 5 geira) og chili (smekksatriði hve mikið, krakkar geta verið viðkvæmir fyrir því), látið malla aðeins.
- Bætið kjúklingakraft út í, martreiðslurjóma og saltið og piprið. Þetta mallar í pottinum meðan kjúklingurinn er útbúinn.
- Veltið kjúklingabitunum upp úr eggi, svo hveiti og steikið á pönnu, upp úr olífuolíu.
- Þegar kjúklingurinn er fullsteiktur, hellið þá sósunni yfir hann og setjið vel af parmesanosti.
- Bætið spaghetti við og blandið öllu saman.
- Mér finnst gott að hafa hvítlauksbrauð með, ferska kirsuberjatómata og ruccola eða bara það grænmeti sem ég á til í ísskápnum.
Verði ykkur að góðu,
Selma Björns