Klassísk hjónabandssæla eins og hún var í gamla daga
200 g smjör, mjúkt
100 g púðursykur
2 egg
150 g hveiti
¾ tsk lyftiduft
¾ tsk matarsódi
½ tsk salt
½ tsk kanill
200 g haframjöl
1 krukka jarðaberja og rabbabara sulta frá St. Dalfour
50 g haframjöl
1. Byrjið á því að kveikja á ofninum og stillið á 200°C, og stillið á undir og yfir. Takið 20×30 cm form (líka hægt að nota 25 cm smelluform) og klæðið það með smjörpappír. Best er að brjóta það alveg ofan í svo það liggi slétt ofan í forminu.
2. Hrærið saman smjör og púðursykur saman, setjið svo eggin út í, eitt í einu.
Setjið hveitið, lyftiduftið, matarsódann, salt og kanil út í, blandið saman. Bætið haframjölinu saman við, hrærið þar til blandað saman.
3. Takið ¾ af deiginu og pressið niður í formið, passið að það fari í hornin líka og sé allstaðar jafn þykkt.
Smyrjið sultunni yfir allt deigið.
4. Setjið haframjölið út í restina af deiginu og blandið létt saman, dreifið yfir kökuna, fallegt að setja aðeins meir af haframjöli yfir.
5. Bakið inn í omni í u.þ.b. 25 mín.