Sumarleg og góð marengs kaka, það gerir hana enn sumarlegri að sleppa rjómanum á milli og setja ís í staðinn
1. Byrjið að hita ofninn við 120 gráður ( blástur )
2. Eggjahvítur og sykur er þeytt þar til marengsinn er orðinn alveg stífur
3. Rice Krispies bætt varlega út í marengsinn með sleikju
4. Diskur eða kökuform sem er ca. 23 cm í þvermál er lagt á bökunarpappír og strikaður hringur eftir disknum. Þetta er gert tvisvar, tveir botnar
5. Marengsinum er skipt í tvennt og hann settur á sitt hvorn hringinn
6. Marengsinn bakaður í ca. 50 – 60 mínútur. Best er að láta marengsinn kólna í ofninum.
7. Þegar botnarnir hafa fengið að kólna er ísinn lagður á milli og nóa kropp sett undir og yfir, bræðið svo súkkulaði yfir vatnsbaði og hellið milli botnanna og ofan á kökuna.
Það sem er þæginlegt við þessa köku er að það er hægt að geyma hana í frysti í 2-3 daga áður en hún er borin fram, hún verður bara betri!
Njótið vel !
