Í stað þess að koma með kex og sætindi í nestisboxinu sem er nú oftast ekki leyfilegt er hægt að baka nokkra holla hafraklatta með trönuberjum sem gefa sætt bragð. Holl, góð og einföld uppskrift sem allir ættu að geta leikið eftir.
Innihald
- 220 gr spelt hveiti
- 300 gr haframjöl
- 250 gr brætt smjör
- 3 stk egg
- 100 gr trönuber
- 1 tsk salt
- 1 tsk vanilludropar
- 150 gr hrásykur / sukrin gold
Aðferð
- Hitið ofninn við 180 gráður
- Blandið saman bræddu smjöri og sykri i skál og hærið vel saman
- Næst er eggjunum og vanilludropunum bætt saman við og hrært vel saman
- Þá er komið að því að blanda spelt og haframjöli saman við og blandið vel saman, deigið á að vera smá klístrað. Bætið trönuberjunum saman við að lokum
- Setjið með matskeið á bökunarpappír á bökunarplötu og bakið í um 15 mínutur, hafið aðeins lengur ef að þið viljið hafa klattana stökka.
