Æðislegt á veisluborðið, döðlugott með smá tvisti. Trönuber og grófar kókosflögur klikka ekki í þessu dásamlega góðgæti. Tilvalið að skera niður í litla bita og bjóða fram í veislunni.
Innihald
- 400 gr döðlur
- 250 gr smjör
- 125 gr púðursykur
- 2 bollar rice crispies
- 100 gr kókosflögur
- 100 gr trönuber
- 200 gr suðusúkkulaði til að hjúpa
- Gróft Maldon salt til að skreyta með
Aðferð
- Byrjið á því að skera dölurnar smátt.
- Setjið smjörið, döðlurnar og púðursykurinn saman í pott og blandið vel saman við vægan hita og þangað til að döðurnar eru farnar að mýkjast vel.
- Bætið rice crispies, trönuberjum og kókosflögum saman við blönduna.
- Blandan fer því næst í form með bökunarpappír undir, þrýstið blöndunni vel niður í formið.
- Bræðið súkkulaði yfir vatnsbaði, hellið yfir blönduna og stráið grófu salti og kókosflögum yfir súkkulaðið.
- Kælið, skerið niður í litla bita og berið fram
Njótið vel !