Þessi réttur er guðdómlegur! Það sem ég elska við hann er hversu einfaldur og fljótlegur hann er. Þegar ég gerði hann fyrst setti ég bara það sem ég átti til í skápunum og það kom líka svona vel út 😀 

• Fyrir ca fjóra

Hráefni

• Tortilla kökur
• Hakk
• Sterkt krydd, svo sem cayanne pipar eða chilli 
• Ostasósa
• Rjómaostur
• Salsasósa
• Kotasæla
• Sýrður rjómi
• Rifinn ostur
• Svart doritos

Aðferð

1. Ég byrja á því að steikja hakkið en ég steiki það mjög vel svo það verði alls ekki slepjulegt 🙂
2. Ég krydda hakkið aðeins en það sem ég notaði núna var Cayanna pipar.
3. Ég set síðan stóra medium salsasósu út á hakkið á samt lítilli dós af kotasælu.
4. Ég hræri öllu saman og leyfi kotasælunni að bráðna aðeins við.
5. Síðan spreyja ég eldfast mót með olíu.
6. Tvær tortilla kökur í botinn og rjómaostur.
7. Ég maka síðan blöndunni yfir kökurnar og sletti vel af ostasósu yfir hakkið.
8. Síðan ríf ég eina tortillaköku í tvennt og set hana á milli og endurtek síðan með að setja hakkblönduna og ostasósuna yfir.
9. Að lokum strái ég rifnum osti yfir allt saman en mér finnst ostasósa mjög góð svo ég set mikið af henni.
10. Þetta fer síðan inn í ofn á 200 og blástur í 5-7 mín eða þangað til að rifni osturinn er bráðinn.
11. Ég ber þetta  fram með salati og set sýrðan rjóma, ostasósu og svart doritos á toppinn, mmmmm !! 😀