Ég elska einfaldar uppskriftir og þessi er ein af þeim! Ég hef sjaldan tíma í að standa yfir graut í langan tíma þó svo að hann sé líka góður svoleiðis – en þá er þessi alveg á pari við þá graut í potti. 

• Fyrir 4-6

Hráefni

• mjólk
• 3-4 dl hrísgrjón / grautarhrísgrjón
• 3-4 smjörklípur
• 1 tsk kanill
• Salt
• Vanilludropar / vanillusykur eftir smekk 

Aðferð

1. Ég blanda öllu í eldfast mót, set álpappír yfir mótið og inn í ofn í 1,5 tíma sirka (90 mín) á 180°. En þá hræri ég upp í honum og smakka grjónin og tek stöðuna. Mér finnst fara aðeins eftir grjónum hversu lengi hann þarf að bakast.
2. Einnig er hægt að bæta við mjólk í hann þegar hann er tekinn út ef hann verður of þykkur.
3. Ekki láta ykkur bregða ef það komi himna yfir grautinn – fjarlægið hana bara, það hefur engin áhrif á grautinn.