Þegar ég gerði bókina Grillveislan varð ég að fylgja uppskrift að klassísku hrásalati, já, þessu sem er selt í öllum kjörbúðum, sér í lagi þegar grilltímabilið stendur sem hæst! Auðvitað er ekkert mál að breyta og bæta eftir smekk.
Hráefni
- ½ hvítkálshaus
- 2 græn epli
- 3 gulrætur
- 4 msk majónes
- ¼ bolli appelsínusafi
- 2 msk hlynsíróp
- safi úr heilli sítrónu
- salt og pipar
Aðferð
- Rífið hvítkál, epli og gulrætur niður með rifjárni (eða í matvinnsluvél) og setjið í skál.
- Blandið majónesi, appelsínusafa, hlynsírópi og sítrónusafa saman við.
- Hrærið vandlega og smakkið til með salti og pipar.
Verði ykkur að góðu!
Kveðja, Ragnar Freyr
