Mexíkóskir hamborgarar eins og þeir gerast bestir! Einföld uppskrift sem allir ráða við!
Hráefni
- 600 g nautahakk
- 1 rauðlaukur (smátt skorinn)
- 1⁄2 rautt chili, fræhreinsað og smátt skorið
- 2 dl steikt og smátt skorið beikon
- handfylli ferskt kóríander, smátt skorið
- 1 egg
- Brauðrasp, magn eftir smekk
- 150 g rifinn Mexíkóostur frá MS
- Salt og pipar
Meðlæti:
- Óðals Maribo ostur
- Salsa
- Guacamole
- Jalapeno
- Klettasalat
- Nachos flögur
- Sýrður rjómi frá Gott í matinn
Aðferð
- Blandið öllum hráefnum saman í skál.
- Brauðrasp eða hveiti bindur deigið betur saman svo notið eins mikið og ykkur finnst þið þurfa. Best er að nota hendurnar til verksins!
- Mótið fjóra til fimm hamborgara.
- Steikið hamborgarana upp úr olíu á pönnu í 3–4 mínútur á hvorri hlið, hitið brauðið aðeins í ofni áður en þið setjið kjötið á brauðið.
- Berið borgarann fram með góðu meðlæti, sjá tillögu fyrir ofan.
Eftir Sævar Lárusson
