Ef það er mexíkanskt verða allir glaðir.
Hráefni
- 500 g nautahakk frá Norðlenska
- Mozzarellaostur
- 1/2 laukur, smátt skorinn
- 2-3 hvítlauksrif, pressuð
- 1 msk chilíkrydd
- 2 tsk cumin (ath ekki kúmen)
- 2 tsk kóríanderkrydd
- 1/2 tsk salt
- 1/2 tsk svartur pipar
- 1 dós (400 g) maukaðir tómatar
- 1 jalapeno, fræhreinsaður og skorinn smátt
- tortillur eða taco skeljar
- Meðlæti: Kál, guagamole, sýrður rjómi
Aðferð
- Hitið olíu á pönnu og steikið nautahakk og lauk í um 5 mínútur. Hrærið reglulega í blöndunni.
- Hellið vökva af pönnunni, ef einhver er, og bætið hvítlauk, chilí, cumin, kóríander, salti og pipar saman við. Blandið saman í 30 sekúntur.
- Hellið tómötum og söxuðu jalapeno saman við og látið malla í um 10 mínútur eða þar til vökvinn er uppgufaður.
- Skiptið niður á tortillur og látið mozzarellaost yfir kjötið. Setjið inn í 200°c heitan ofn í nokkrar mínútur eða þar til osturinn er bráðinn.
- Berið fram með uppáhalds meðlætinu ykkar.
Verði ykkur að góðu,
Berglind