Þú sérð ekki eftir að prófa þennan!
Hráefni
- 2 msk smjör
- 3 skarlottulaukar, saxaðir
- 250 g spínat
- salt og pipar
- 800 g lax
- 6 sólþurrkaðir tómatar í olíu
- 1 dós 5% sýrður rjómi, t.d. frá Mjólka
- 1/2 krukka feti í kryddolíu, t.d. frá Mjólka
- fersk basilíka
Aðferð
- Hitið smjör á pönnu og steikið laukinn við meðalhita þar til hann er orðinn glær.
- Blandið spínati saman við og steikið í 1-2 mínútur. Setjið í ofnfast mót.
- Skerið laxinn niður í bita og leggið yfir spínatið.
- Setjið sólþurrkaða tómata, sýrðan rjóma, fetaost og basilíku í matvinnsluvél og maukið saman.
- Setjið blönduna yfir laxinn og látið í 200°c heitan ofn í um 20 mínútur.
Njótið vel,
Berglind