Klassískur pastaréttur og alltaf jafn góður. Og þú ert enga stund að rigga þessu upp.
Hráefni
- 500 g pasta, t.d. penne eða farfalle
- 1 lítill rauðlaukur, saxaður
- 1 rauð paprika, skorin í litla bita
- Stórt bréf beikon
- 250 g sveppir, skornir í fernt
- 1 hvítlauksostur, skorinn í bita
- 500 ml matreiðslurjómi
- 1 tsk nauta- eða kjúklingakraftur
- svartur pipar
Aðferð
- Sjóðið pasta samkvæmt leiðbeiningum á pakkningu.
- Setjið ólífuolíu og 1-2 msk af smjöri á pönnu og látið papriku, rauðlauk, beikon og sveppi út á pönnuna og steikið þar til beikonið er farið að dökkna. Hrærið reglulega í blöndunni.
- Bætið hvítlauksosti, rjóma og krafti saman við og látið malla við meðalhita þar til osturinn er bráðinn.
- Smakkið til með svörtum pipar og njótið.
Verði ykkur að góðu,
Berglind
