Ég reyni alltaf að elda að minnsta kosti einn rétt í viku sem inniheldur ekki kjöt, helst oftar. Nýrnabaunirnar passa virkilega vel í þessum rétti og ég mæli svo sannarlega með því að þið prófið að sleppa kjötinu.
Hráefni
- 250 g heilkorna spagettí (t.d. frá Rapunzel - eða annað gott)
- 1 rauðlaukur
- 250 g sveppir
- 3-4 hvítlauksgeirar
- Nýrnabaunir (t.d. frá Rapunzel)
- Niðursoðnir tómatar
- Passata sósa (t.d. frá Rapunzel)
- 1 msk tómatpúrra (t.d. frá Rapunzel)
- Svartar ólífur
- Sólþurrkaðir tómatar
- Þurrkað oreganó
- Salt og pipar
- Þurrkað chillí
- 2 tsk grænmetiskraftur
- Ferkst basil (ekki nauðsynlegt)
- Parmesan ostur
- Hágæða ólífu olía
Aðferð
- Sjóðið spagettíið samkvæmt leiðbeiningum á umbúðum.
- Skerið niður laukinn smátt niður og steikið á pönnu upp úr olíu, skerið sveppina og bætið þeim á pönnuna, skolið baunirnar, þerrið og setjið á pönnuna, skerið hvítlaukinn og bætið honum á pönnuna, steikið létt. Skerið tómatana í minni bita og bætið þeim á pönnuna ásamt passata sósu og tómatpúrru.
- Kryddið með oreganó, salt, pipar, þurrkuðu chillí og grænmetiskrafti, leyfið að malla í smástund saman.
- Berið fram saman með fersku basil, parmesan osti og hágæða ólífu olíu.
Verði ykkur að góðu,
Linda Ben
Hér er umfjöllun um réttinn á lindaben.is