Kjúklingalæri elduð í einu fati með sætum kartöflum, brokkoí og fullt af öðru grænmeti. Einstaklega bragðgóður og einfaldur réttur, allt eldað saman í einu fati sem er eldunaraðferð sem við svo mörg elskum. Bragðið af hráefnunum blandast svo vel saman inn í ofninum, uppvaskið er í algjöru lágmarki og fyrirhöfnin líka.
Hráefni
- 6 stk úrbeinuð kjúklingalæri
- Kjúklinga kryddblanda
- Sæt kartafla
- Brokkolíhaus
- 150 g sveppir
- 1 stk græn paprika
- 2-3 msk hágæða ólífu olía
- Salt og pipar
- Hvítlaukssósa
Aðferð
- Kveikið á ofninum og stillið á 200°C, undir og yfir hita, kryddið kjúklinginn vel og geymið.
- Skerið sætu kartöflurnar, brokkolíið, sveppina og paprikuna niður og raðið á ofnheldan bakka. Hellið ólífu olíu yfir og kryddið með salti og pipar
- Leggið kjúklingalærin yfir og bakið í u.þ.b. 30 mín eða þar til kjúklingurinn er eldaður í gegn og kartöflurnar eru mjúkar.
- Berið fram með hvítlaukssósu.
Verði ykkur að góðu,
Linda Ben
Hér er umfjöllun um réttinn á lindaben.is