- 35 mín
- Fyrir ca 3 - ekkert mál að stækka með því að nota meiri lax
Þegar þessi réttur varð til átti ég lax en var ekki búin að ákveða hvað ég ætlaði að gera úr honum og spurði fylgjendur mína ráða: “hver er þín go-to leið til að matreiða lax?” og ekki stóð á svörum. Ég fékk ótrúlega mikið af góðum hugmyndum um hvernig má matreiða lax á einfaldan máta.
Þið sem eigið eftir að smakka lax og mangó chutney saman, þá er þetta er klárlega “must try” réttur.
Hráefni
- 1 msk ólífu olía
- 700 g lax (eða það magn sem hentar)
- 400 g kartöflur
- 4 msk kúfaðar mangó chutney
- 1 hvítlauksrif
- ½ dl möndlur
- Salt og pipar
- Klettasalat, eða annað gott salat
Aðferð
- Kveikið á ofninum og stillið á 200°C.
- Skrælið kartöflurnar og skerið í strimla.
- Smyrjið eldfastmót eða bakka með ólífu olíu og setjið kartöflurnar á bakkann, kryddið með salti og pipar, setjið inn í ofn á meðan laxinn er útbúinn.
- Setjið mangó chutney í skál og rífið hvítlauksrifið út í og kryddið með salti og pipar.
- Skolið laxabitana og sjáið hvort það séu nokkuð bein sem þarf að fjarlægja.
- Saxið möndlurnar.
- Þegar kartöflurnar hafa verið inn í ofni í u.þ.b. 10 mín takið þá út úr ofninum og bætið laxinum á bakkann. Smyrjið laxinn vel með mangó chutney og dreyfið möndunum yfir.
- Bakið inn í ofni í u.þ.b. 15-20 mín en tíminn fer eftir þykkt laxins.
- Berið fram með klettasalati.
Verði ykkur að góðu,
Linda Ben
Hér er umfjöllun um réttinn á lindaben.is