• 15 mín
• Fyrir 3-4, lítið mál að stækka

Það er heilmikill sumarfýlingur í þessum rétti - en hann er fljótlegur og góður svo það er alltaf gott að grípa í hann, á hvaða árstíma sem er.  

Eins og glöggir lesendur hafa tekið eftir er ferska pastað frá Pastella í miklu uppáhaldi hjá mér og hefur verið það í mörg ár! Þetta eru hágæða vörur sem eru framleiddar í Danmörku samkvæmt aldagömlum ítölskum sið. 

Í þessum pastarétti leika góð hráefni lykilhlutverk.

Hráefni

• 2 pakkar tortellini fyllt með tómat og mozzarella frá Pastella
• ½ rauðlaukur smátt skorinn
• 1 bakki kastaníu sveppir (150 g)
• 2 msk smjör
• 2 hvítlauksgeirar
• 6 tómatar
• Salt og pipar eftir smekk
• ¼ tsk papriku krydd
• ¼ tsk þurrkaðar chillí flögur
• 250 ml grænmetissoð
• 100 g spínat
• Parmesan ostur eftir smekk
• Ferkst basil eftir smekk (ekki nauðsynlegt)

---

Aðferð

1. Setjið vatn í meðal stóran pott, saltið vatnið og setjið 2 msk af olíu í vatnið og látið suðuna koma upp.
2. Skerið laukinn smátt niður og steikið hann á pönnu upp úr smjöri eða olíu á meðan þið skerið niður sveppina. Bætið sveppunum á pönnuna og steikið þá upp úr smjöri.
3. Skerið hvítlaukinn smátt niður eða pressið hann með hvítlaukspressu og bætið honum á pönnuna.
4. Skerið tómatana niður og bætið þeim út á pönnuna og steikið létt.
   Kryddið með salti, pipar, papriku kryddi og þurrkuðum chillí flögum.
5. Bætið grænmetissoði á pönnuna (líka hægt að nota vatn og grænmetistening), bætið því næst spínatinu á pönnuna.
6. Leyfið að malla svolítið á meðan þið setjið pastað í pottinn og látið það sjóða samkvæmt leiðbeiningum á pakka.
7. Þegar það er soðið takið þá einn bolla af pastasoði frá, hellið svo restinni af vatninu af því og setjið pastað á pönnuna. Ef ykkur finnst vanta svolítið meira soð í réttinn, bætið þá viðeigandi magni af pastavatninu á pönnuna.
8. Blandið öllu saman, rífið parmesan ost og ferska basil yfir.

Verði ykkur að góðu,

Linda Ben

Hér er umfjöllun um réttin á lindaben.is