Æðislega gott brauð með miklu smjöri og osti. Ilmurinn sem kemur á heimilið þegar bakað er kryddbrauð er alveg dásamlegur.

Uppskriftin er í tvö brauð, en einfalt er að minnka uppskriftina. 

Hráefni

• 6 dl hafrar
• 6 dl hveiti
• 2 dl sykur
• 2 tsk. engifer
• 4 tsk. matarsódi
• 2 tsk. kanill
• 2 tsk. negull
• 6 dl mjólk
• 2 stk. egg

Aðferð

1. Öllum þurrefnunum er blandað saman í skál.
2. Í aðra skál er eggjum og mjólk pískað saman með gaffli og hellt ut í þurrefnablönduna.
3. Látið degið standa i 15 mínútur svo að hafrarnir mýkist upp.
4. Bakið í ofni í 10 mínútur á 200 gráðum, lækkið svo hitann í 170 gráður og bakið í 30 mínútur í viðbót.

Eftir Gígju S. Guðjónsdóttur