Klassískt lasagna sem er einfalt og stórgott.

Hráefni

• 1 bakki nautahakk (um 500 g)
• 1 laukur, hakkaður
• salt og pipar
• 1 dós góð pastasósa (ég var með Hunt´s pastasósu í glerkrukku með bragðtegundinni garlic & herb)
• 1 dós sýrður rjómi
• 1 grænmetisteningur
• 1 stór dós kotasæla
• lasagnaplötur
• rifinn ostur

Aðferð

1. Hitið olíu á pönnu og steikið laukinn þar til hann byrjar að mýkjast. Bætið nautahakkinu á pönnuna og kryddið með pipar og salti.
2. Hellið pastasósunni og sýrða rjómanum yfir og hrærið saman. Setjið grænmetistening út í og látið sjóða við vægan hita um stund (10 mínútur duga en ef þú hefur tímann með þér þá er um að gera að leyfa kjötsósunni að sjóða lengur).
3. Setjið til skiptis í eldfast mót lasagnaplötur, kjötsósu og kotasælu. Þú ættir að ná tveim til þrem lögum miðað við meðalstórt mót.
4. Stráið rifnum osti yfir og bakið við 200° í um 20 mínútur.

Uppskrift er eftir Svövu á Ljúfmeti og lekkerheit og er af Gerum daginn girnilegan.