Hvítlauks grísalundir með heitri gráðostasósu.

• Fyrir 4

Hráefni

• 800 g grísalundir
• 2 bollar hvítlauks Caj P grillolía

Gráðostasósa

• 3 dl rjómi
• 120 g gráðostur
• 100 g Philadelphia rjómaostur
• 1 tsk Oscar nautakraftur
• 1 tsk hunang
• Salt og pipar

---

Aðferð

1. Marinerið grísalundirnar í Caj P grillolíu í a.m.k. 4 klst.
2. Steikið á pönnu í nokkrar mínútur og snúið reglulega.
3. Setjið kjötið í eldfast mót, penslið kjötið með Caj P og setjið inn í ofn í 5 - 7 mínútur við 180°C.
4. Látið kjötið hvíla eftir eldun í 5 - 10 mínútur og berið fram með fersku salati og heitri gráðostasósu.

Gráðostasósa

1. Hitið rjómann í potti.
2. Bætið gráðosti og rjómaosti út í.
3. Bætið svo nautakrafti og hunangi saman við.
4. Kryddið með salti og pipar eftir smekk.
5. Látið malla á vægum hita í ca. 5 mínútur.

Uppskriftin er fengin frá Gerum daginn girnilegan, sjá hér Grísalundir og hér Gráðostasósu