Grænmetisréttur með indversku ívafi.

Hráefni

• 1 dós kjúklingabaunir
• Olía til steikingar
• 2-3 hvítlauksrif, smátt söxuð
• 1/2 laukur, smátt saxaður
• 1 1/2 msk garam masala
• 1 tsk kóríanderkrydd
• 1 tsk cumin (ekki kúmen)
• 1 tsk paprikukrydd
• 1 blómkál
• 1 dós saxaðir tómatar
• 2 1/2 dl kókosmjólk, t.d frá Blue dragon
• 2 dl vatn + 1 tsk grænmetiskraftur, t.d. frá Oscar
• Salt og pipar
• Ferskt kóríander (má sleppa)

Aðferð

1. Hitið olíu á pönnu og steikið lauk, hvítlauk, garam masala, kóríander, kúmin og paprikukrydd í um 1-2 mínútur (hrærið stöðugt) eða þar til blandan er farin að gefa frá sér góðan ilm.
2. Skerið blómkálið niður og bætið út á pönnuna og steikið áfram í 2 mínútur.
3. Bætið þá tómötum, kókosmjólk, vatni og grænmetiskrafti saman við og látið malla í 15 mínútur eða þar til sósan hefur þykknað.
4. Bætið kjúklingabaunum saman við og hitið í 3-4 mínútur til viðbótar.
5. Setjið í skál og berið fram með hrísgrjónum og etv. fersku kóríander.

Uppskriftin er frá GRGS og er af Gerum daginn girnilegan