Ljúffengur epla og saltkaramelluís sem auðvelt er að gera.

Hráefni 

• 4 stk epli
• 50 gr smjör
• 3 msk púðursykur
• 1 tsk kanill

ÍS

• ½ L rjómi
• 1 dós niðursoðin mjólk (e. condensed milk) 397 gr

SALTKARAMELLA

• 1 bolli sykur
• 3 msk smjör
• ½ bolli rjómi
• 1 tsk sjávarsalt

---

Aðferð

EPLI

1. Skrælið og skerið eplin í litla teninga, steikið á pönnu upp úr smjöri í nokkrar mínútur og bætið púðursykri og kanil útá í lokinn. Látið síðan malla í nokkar mínútur eða þar til eplin eru orðin mjúk. Kælið

SALTKARAMELLA

1. Bræðið sykurinn á pönnu þar til hann hefur alveg bráðnað, bætið smjöri útá og hrærið vel, síðast er rjómanum bætt út á og saltinu, blandið vel þar til allt er blandað saman. Sigtið og kælið

ÍS

1. Létt þeytið rjómann, bætið niðursoðinni mjólk saman við og þeytið saman, bætið köldum eplum varlega saman við ásamt 1 dl af karamellusósunni
2. Setið í form og setjið restina af karamellusósunni yfir og frystið í 6 klst , mylið piparkökur yfir

Uppskriftin er eftir Vigdísi Ylfu og er frá Gerum daginn girnilegan