Heimsins besta Wok með nautakjöti og núðlum. Þessi er fljótlegur og klikkar ekki. 

Hráefni

• 600 g nautakjöt, skorið í þunnar sneiðar
• 3 gulrætur, skornar í strimla
• 8 vorlaukar, sneiddir
• 60 ml nautasoð frá Oscar
• 2 msk soyasósa frá Blue dragon
• 2 msk hunang
• 1 msk edik
• 1/2 msk hvítlaukur, pressaður
• 2 tsk sesamolía frá Blue dragon
• 1 tsk engifer, rifið
• 1/2 tsk chilíflögur
• 2 msk olía til steikingar

MARINERING

• 2 tsk hvítlaukur, pressaður
• 1 msk ferskt engifer, rifið
• 2 msk soyasósa frá Blue dragon
• 1 msk hvítvínsedik
• 1 msk sesamolía
• 1 msk sesamfræ
• 1/4 tsk svartur pipar
• Blandið öllum hráefnum saman í skál.

Aðferð

1. Gerið marineringuna og setjið kjötið saman við. Marinerið í 15-30 mínútur.
2. Hitið 1 msk af olíu við meðahita. Takið kjötið úr marineringunni og steikið á pönnunni í 2 mínútur. Takið af pönnunni og setjið á disk.
3. Látið 1 msk af olíu á sömu pönnu. Steikið grænmetið í 2-3 mínútur eða þar til það er farið að mýkjast.
4. Setjið soyasósu, hunang, edik, hvítlauk, sesamolíu, engifer og chilí saman í skál. Bætið sósunni og kjötinu saman við grænmetið og hitið þar til sósan hefur þykknað.
5. Bætið soðnum núðlum saman við og berið fram.

Uppskriftin er eftir Berglindi á grgs.is og er frá Gerum daginn girnilegan