Einfaldur og ljúffengur epladraumur með dásamlegri karamellusósu.

Fyrir 6-8 (fer eftir stærð forma)

Hráefni

• 330 g smátt skorin epli (um 4-5 stykki)
• 150 g Milka-Daim súkkulaði
• 3 msk. kanelsykur
• 90 g hveiti
• 80 g púðursykur
• 100 g smjör við stofuhita (+ meira til að smyrja með)
• 50 g tröllahafrar
• Ís og karamellusósa ofan á

Karamellusósa

• 1 poki Dumle karamellur (120 g)
• 4 msk. rjómi

Aðferð

1. Smyrjið lítil eldföst mót með smjöri (eða eitt stórt).
2. Saxið súkkulaðið gróft niður og blandið saman eplum, súkkulaði og kanelsykri í stóra skál.
3. Skiptið eplablöndunni niður í formin og útbúið hjúpinn.
4. Blandið saman hveiti, púðursykri, smjöri og tröllahöfrum.
5. Setjið vel af blöndu yfir hvert form með því að losa deigið aðeins niður með fingrunum.
6. Bakið í 180° heitum ofni í um 25 mínútur og útbúið karamellusósuna á meðan (sjá uppskrift að neðan).
7. Leyfið hitanum aðeins að rjúka úr og setjið þá ís og karamellusósu 

Karamellusósa

1. Setjið saman í pott og hrærið við miðlungs hita þar til karamellurnar eru bráðnaðar.
2. Leyfið aðeins að kólna niður og berið fram með epladraumnum ásamt ís.

Uppskriftin er eftir Berlindi hjá Gotteri.is og er frá Gerum daginn girnilegan