Asísar kjötbollur sem eru frábærar í kvöldmatinn nú eða sem pinnamatur í veisluna.

Hráefni

Kjötbollur

• 1 kg nauta- eða svínahakk
• 2 tsk sesamolía frá Blue dragon
• 2,5 dl brauðrasp
• 1/2 tsk engiferkrydd
• 2 egg
• 3 tsk rifið engifer

Asísk sósa

• 150 ml Hoisin sósa frá Blue dragon
• 60 ml hrísgrjónaedik (rice vinegar frá Blue dragon)
• 2 hvítlauksrif, pressuð
• 2 msk sojasósa frá Blue dragon
• 1 tsk sesamolía frá Blue dragon
• 1 tsk engiferkrydd

---

Aðferð

1. Blandið öllum hráefnum vel saman og mótið í litlar kjötbollur. Setjið á ofnplötu og bakið í 200°c heitum ofni í 15 mínútur eða þar til þær eru stökkar að utan og fulleldaðar að innan. Setjið í skál og hellið sósunni yfir heitar kjötbollurnar og blandið vel saman. Berið fram með niðurskornum vorlauk, sesamfræjum og núðlum.

Asísk sósa

1. Hrærið öllum hráefnum fyrir sósuna saman í skál.

 

Uppskriftin er eftir GRGS og er frá Gerum daginn girnilegan