Súkkulaðimús er hinn fullkomni eftirréttur, hér er „Orange Twist“ útfærslu af þessari dásamlegu súkkulaðimús og almáttugur minn, þessi er rosaleg!

• Fyrri 4-6

Hráefni

• 280 g Toblerone Orange Twist
• 80 g smjör
• 2 egg
• 300 ml stífþeyttur rjómi (+ um 250 ml til skrauts)
• Saxað Toblerone til skrauts
• Appelsínubörkur til skrauts

Aðferð

1. Bræðið gróft saxað Toblerone Orange Twist og smjör yfir vatnsbaði.
2. Þegar bráðið er blandan tekin af hitanum og leyft að standa í um 5 mínútur til að hitinn rjúki úr (hrært í af og til).
3. Eggin eru pískuð saman og bætt saman við í nokkrum skömmtum, hrært vel á milli.
4. Um 1/3 af rjómanum er þá blandað saman við súkkulaðiblönduna með sleif, síðan er restinni af rjómanum vafið saman við.
5. Skipt niður í 4-6 glös/skálar (fer eftir stærð) og kælt í lágmark 3 klst (einnig í lagi að plasta og geyma í kæli yfir nótt).
6. Skreytið að lokum með þeyttum rjóma, söxuðu Toblerone Orange Twist og appelsínuberki.

Uppskriftin er eftir Berglindi á Gotterí og er frá Gerum daginn girnilegan