Einfaldur og virkilega djúsí kjúklingaréttur með ferskum mozzarella kúlum með basilíku.
Nýjar Mozzarella kúlur með basilíku eru frábærar í rétti eins og salöt, snittur, pasta- og ofnrétti og forrétti ýmiss konar.
Hráefni
- 4 stk. kjúklingabringur
- 200 g spínat
- 2 stk. hvítlauksrif
- 150 g hreinn rjómaostur frá Gott í matinn
- 50 g Goðdala Reykir, rifinn
- 2 stk. pískuð egg
- ljós brauðraspur
- 8 tsk.
- rautt pestó
- 12 stk. mozzella kúlur með basilíku
- fersk basilíka
- salt og pipar
- matarolíusprey
- ólífuolía
Aðferð
- Setjið hverja kjúklingabringu í sterkan poka og fletjið út með buffhamri.
- Steikið hvítlauk og spínat upp úr ólífuolíu þar til það mýkist. Saltið og piprið eftir smekk.
- Stappið saman spínati, rjómaosti og rifnum Goðdala Reyki. Leggið til hliðar.
- Setjið vel af spínatblöndunni við endann á hverri kjúklingabringu, rúllið upp og reynið að vefja endana inn undir.
- Veltið upp úr eggi og því næst brauðraspi.
- Leggið á ofnskúffu og reynið að þjappa endunum aðeins undir, samt líka allt í lagi þó það leki smá spínatblanda út.
- Spreyið vel með matarolíuspreyi og bakið í 220°C heitum ofni í 25 mínútur.
- Takið kjúklingaréttinn úr ofninum.
- Setjið 2 tsk. af rauðu pestói yfir hverja bringu og raðið 3 Mozzarella kúlum með basilíku þar ofan á.
- Setjið í ofninn aftur í um 5 mínútur.
- Að lokum má strá smá af ferskri basilíku yfir bringurnar.
Eftir Berglindi Hreiðarsdóttur
