Hvað er betra en góð ommeltta með bræddum íslenskum sælkeraosti, Gretti úr Goðdala línunni? Osturinn er nýr íslenskur ostur úr Skagafirði. Grettir er sætur og stökkur ostur sem kemur skemmtilega á óvart. Hann hefur milt og ljúft bragð sem og flauelsmjúka áferð.

Uppskriftin er í eina væna ommelettu.

Hráefni

• 4 egg
• Sveppir (eftir smekk)
• Skinka (eftir smekk)
• Íslenskt smjör
• Goðdala Grettir
• Vorlaukur (eftir smekk)

Aðferð

1. Pískið eggin saman með gaffli og kryddið með grófu salti og svörtum pipar.
2. Skerið skinku og sveppi niður í litla bita og fleira grænmeti ef þið viljið.
3. Einnig er gott að setja rauða eða gula papriku, aspas, mozzarellaost, ferskt kóríander og kirsuberjatómata.
4. Bræðið íslenskt smjör á pönnu og hellið eggjahrærunni út á.
5. Setjið skinku og sveppi yfir eggin eftir 1 mínútu.
6. Steikið á báðum hliðum.
7. Skerið Gretti niður í litla bita og dreifið honum yfir ommelettuna undir lokin.
8. Þegar osturinn hefur bráðnað er gott að setja vorlauk yfir.

Eftir Tinnu Alavis