Virkilega bragðgóð súpa sem passar vel með ofnbökuðu naanbrauði með Dala feta og rifnum pizzaosti frá Gott í matinn. Eins og með margar aðrar súpur er þessi súpa alveg jafn góð, ef ekki betri næsta dag.
Uppskriftin er fyrir fjóra.
Hráefni
Súpa:
- 10 stk. kjúklingalundir (eða um 4 kjúklingabringur)
- 2 stk. sætar kartöflur (2-3 stk, fer eftir stærð)
- 2 stk. rauðar paprikur (skornar í ræmur)
- 1 stk. púrrulaukur (saxaður)
- 3 stk. hvítlauksgeirar (saxaðir)
- 2 msk. karrí (2-3 msk.)
- 3 msk. olía (3-4 msk.)
- 2 flöskur venjuleg Heinz chilisósa
- 400 g Rjómaostur frá Gott í matinn
- 500 ml Matreiðslurjómi frá Gott í matinn
- 1 l vatn (eða jafnvel meira)
- 1 msk. rósmarín
- 1 1⁄2 msk. kalkúnakrydd (t.d. frá Pottagöldrum)
- 2 teningar kjúklingakraftur
Naan brauð:
- Tilbúið naan brauð
- Dala Fetaostur
- Pizzaostur frá Gott í matinn
Aðferð
Súpa:
- Setjið vatn, chilisósurnar, rjómaost, rjóma, kjúklingakraft, rósmarín og kalkúnakrydd í pott og látið malla.
- Best er að rjómaosturinn bráðni alveg og svo má þynna súpuna með vatni ef hún þykir of þykk (smekksatriði).
- Skerið sætu kartöflurnar í hæfilega stóra teninga og setjið út í súpuna og leyfið að malla áfram.
- Því næst eru paprika, púrrulaukur og hvítlaukur steikt uppúr karrí og olíu og bætt í pottinn.
- Að lokum er kjúklingurinn skorinn í bita og steiktur á pönnu, kryddaður með salti og pipar og bætt út í pottinn
Naan brauð:
- Stráið Dala fetaosti yfir tilbúið Naan brauð ásamt smá olíu og pizzaosti frá Gott í matinn.
- Hitið síðan í nokkrar mínútur við 200°C.
Eftir Berglindi Hreiðarsdóttur