Hér er á ferðinni mjög skemmtileg og sumarleg útfærsla af grilluðum Dala Brie osti sem hægt er að útbúa heima við, í bústaðnum eða útilegunni.

Hráefni í fjóra skammta

• 1 Dala Brie
• 2 litlar ferskjur, skornar í teninga
• 1 lúka fersk bláber
• 2 msk fersk basilíka, söxuð
• 3 msk síróp
• Balsamik gljái

Aðferð

1. Leggið ostinn á vel heitt grillið í um 2 mínútur.
2. Snúið ostinum við og leggið á álpappír/ílát sem þolir grillhitann og setjið vel af ferskjum og/eða bláberjum ofan á hann, lokið og grillið í 2 mínútur til viðbótar.
3. Takið af grillinu, hellið sírópi og balsamik gljáa yfir og að lokum stráið þið basilíkunni yfir.
4. Berið fram með góðu kexi - nokkrar uppástungur í innkaupalistanum