Einstaklega góður ketó réttur sem hentar sem meðlæti eða aðalréttur.

Hráefni

• 1 stórt höfuð blómkál, skorið í litla bita
• 500 ml rjómi frá Gott í matinn
• 125 g rjómaostur með kryddblöndu
• 4 dl rifinn Óðals Tindur eða annar bragðmikill Óðalsostur
• 2 dl rifinn parmesan ostur
• 1 hvítlauksrif, smátt saxað
• 1⁄2 tsk. múskat
• 3 vorlaukar, smátt saxaðir (3-4)
• 2 tsk. grænmetiskraftur eða 1 grænmetisteningur
• Salt og pipar
• Vorlaukur til að skreyta með, má sleppa

Aðferð

1. Hitið ofn í 180 gráður með blæstri.
2. Smyrjið eldfast mót að innan með smjöri og setjið blómkálsbitana ofan í.
3. Hellið rjómanum í pott ásamt hvítlauk, rjómaosti og rifnum osti en geymið dálítið af rifna ostinum til að strá yfir fyrir bakstur.
4. Hitið við meðalhita og hrærið í af og til þar til osturinn er bráðnaður.
5. Kryddið með múskati, grænmetiskrafti og salti og pipar.
6. Hellið ostasósunni yfir blómkálið og stráið dálitlum rifnum osti yfir.
7. Bakið í 30-40 mínútur eða þar til blómkálið hefur mýkst og osturinn er gullinbrúnn.
8. Gott er að strá smátt söxuðum vorlauk yfir áður en gratínið er borið fram.

Eftir Helenu Gunnarsdóttur