Hráefni - fyrir tvo
- 4 egg
- 2 msk. rjómi frá Gott í matinn
- 1 lítill kúrbítur rifinn í strimla eða skorinn smátt
- 2 msk. smjör
- 100 g fetakubbur frá Gott í matinn
- Nokkrir kirsuberjatómatar
- Salt og pipar
Aðferð
- Pískið saman eggjum og rjóma og kryddið með salti og pipar.
- Bræðið smjörið á pönnu og steikið kúrbítinn í 2-3 mínútur eða þar til hann mýkist aðeins.
- Kryddið með salti og pipar eða því kryddi sem þið viljið.
- Myljið helminginn af fetaostinum út á pönnuna.
- Hellið eggjunum yfir og dreifið vel úr með spaða.
- Stráið restinni af ostinum yfir ásamt hálfum tómötum.
- Bakið undir grilli í ofni í 5-10 mínútur eða þar til eggin eru bökuð og osturinn hefur tekið smá lit.
Eftir Helenu Gunnarsdóttur