Þetta er æðislega góður kjúklingaréttur sem hentar einnig þeim sem eru á KETÓ.

Hráefni - fyrir fjóra

• 4 kjúklingabringur
• 4 avocado
• 1 lime
• 1 tómatur
• 1⁄2 rauðlaukur
• 6 beikonsneiðar
• Gratínostur frá Gott í matinn
• Olía
• Salt og pipar
• Chillikrydd
• Kóríander

Allt hráefni er á listanum nema salt, pipar og olía til steikingar

Aðferð

1. Kjúklingabringurnar eru kryddaðar með salti, pipar og chilli kryddi og steiktar í olíu á pönnu við miðlungs hita þar til þær eru eldaðar í gegn.
2. Það er lykilatriði að pannan sé ekki of heit því þá getur kjúklingurinn brunnið að utan, en við viljum hafa hann mjúkan og góðan.
3. Á meðan kjúklingurinn er á pönnunni er guacamole og beikonið græjað.
4. Beikonið er sett í 200 gráðu heitan ofn þar til að það er orðið stökkt en þá er það tekið út og mulið. Ekki slökkva á ofninum þar sem kjúklingurinn fer líka inn í ofn.
5. Guacamoleið er auðvelt. Avocado er stappað og niðurskornum tómötum, rauðlauk, lime safa og salti og pipar er bætt við og maukað með gaffli.
6. Þegar kjúklingabringurnar eru tilbúnar er guacamole sett ofan á, ostinum stráð yfir og beikon bitunum stungið í.
7. Næst fer kjúklingurinn inn í ofn í aðeins 3-5 mínútur svo að osturinn bráðni og hann næst borin fram heimtur með fersku kóríander eftir smekk.

Eftir Gígju S. Guðjónsdóttur