Þessi fljótlegi pastaréttur er litríkur og fallegur. 

Hráefni - fyrir fjóra

• 250 g skrúfupasta
• 250 g osta tortellini
• 1 stk. brokkolíhaus
• 1 stk. rauð paprika
• 1⁄2 laukur
• 1 stk. Mexíkóostur frá MS
• 500 ml matreiðslurjómi frá Gott í matinn
• 250 g skinka
• Salt, pipar og hvítlauksduft eftir smekk
• Olía til steikingar
• Parmesan ostur til að rífa yfir
• Hvítlauksbrauð til að bera fram með réttinum

Allt hráefni er á innkaupalistanum nema salt, pipar og olía til steikingar.

Aðferð

1. Sjóðið báðar tegundir af pasta samkvæmt leiðbeiningum á pakka.
2. Saxið laukinn smátt og skerið brokkolí og papriku í hæfilega stóra bita.
3. Steikið laukinn upp úr olíu, kryddið til með salti og pipar, bætið papriku og brokkolí saman við og vel af olíu. Steikið í stutta stund þar til grænmetið fer að mýkjast og færið þá yfir í skál.
4. Rífið mexíkóost niður með grófu rifjárni og sjóðið með rjómanum á pönnunni þar til osturinn er uppleystur. Kryddið til með salti, pipar og hvítlauksdufti.
5. Skerið skinkuna í teninga og setjið skinkuna, grænmetið og pastað út á pönnuna og blandið vel.
6. Berið fram með vel af rifnum Parmesan osti eða Óðals Tindi.
7. Við mælum líka með hvítlauksbrauði (er á innkaupalistanum)

Eftir Berglindi Hreiðarsdóttur