Einfaldur og bragðgóður lambakjötsréttur sem hentar bæði hversdags og um helgar.

Hráefni - fyrir fjóra til fimm

1 kg lambakjöt (best að nota lundir eða fituhreinsað fillet)
salt og svartur pipar
1 msk. rósmarín
250 g sveppir
100 g kúrbítur
100 g rauðlaukur
100 g sólþurrkaðir tómatar, saxaðir
400 g rjómaostur frá Gott í matinn
2 dósir kotasæla
1 glas fetaostur að eigin vali
3 stk. hvítlauksgeirar (2-3), pressaðir

Allt hráefni er á innkaupalistanum nema salt og pipar.

Aðferð

1. Brúnið kjötið á pönnu og kryddið með rósmarín, salti og svörtum pipar.
2. Setjið kjötið í eldfast mót.
3. Skerið grænmetið í bita og steikið á pönnunni.
4. Hellið yfir kjötið.
5. Stráið sólþurrkuðum tómötum yfir.
6. Hrærið saman kotasæluna og rjómaostinn með hvítlauknum.
7. Smyrjið yfir kjötið og grænmetið.
8. Myljið fetaostinn yfir og bakið í ofni við 170°C í um 20 mínútur.
9. Berið fram með fersku salati og góðu brauði.

Verði ykkur að góðu.

Höfundur: Árni Þór Arnórsson

Uppskriftin er frá Gott í matinn.