Vermandi og góður réttur fyrir alla fjölskylduna. Fljótlegur og seðjandi. 

Fyrir 3-5 (eftir því hvort þú berð pasta fram með réttinum)

---

Hráefni 

Kjötbollur:

• 500 g nautahakk*
• 100 g furuhnetur (einn poki) ristaðar og saxaðar
• 2 skarlottulaukar, fínsaxaðir
• 2 hvítlauksrif, marin
• 1 egg
• 1 dl rifinn parmesanostur
• 1 1⁄2 tsk þurrkað oregano
• Fínrifinn börkur af 1 sítrónu
• Sjávarsalt og svartur pipar

Sósa:

• 3 1⁄2 dl rjómi frá Gott í matinn
• 1 1⁄2 dl vatn
• 2 tsk Dijon sinnep
• Rifinn piparostur eftir smekk

Meðlæti:

• 500 g penne pasta - EF VILL
• Ítölsk steinselja, söxuð 
• Parmesanostur

Allt hráefnið er á innkaupalistanum nema salt, pipar og olía til steikingar, munið samt að kíkja í skápana til að sjá hvað er til heima, s.s. hvítlaukur, oregano, sinnep o.fl. Það er ekkert mál að taka af innkaupalistanum, bara að taka hakið úr vinstra megin við vöruna.  

*Í upphaflegu uppskriftinni er 250 g nautahakk og 250 g svínahakk. Á innkaupalistanum er hins vegar bara nautahakk, þar sem pakkningar á hakki á Heimkaup.is eru yfirleitt í kringum 500 g, það er auðvitað ekkert mál að bæta svínahakki við í körfuna. 

---

Aðferð

1. Hitið 1 msk. af olíu á pönnu.
2. Setjið skarlottulauk, hvítlauk, oregano og pínu salt og pipar á pönnuna. Mýkið laukinn í nokkrar mínútur.
3. Bætið furuhnetunum saman við og steikið áfram í mínútu eða svo.
4. Setjið í stóra skál ásamt hakkinu, egginu, sítrónuberkinum og parmesanostinum.
5. Hrærið saman með höndunum og mótið síðan bollur. Stærð fer eftir smekk.
6. Steikið bollurnar á pönnu upp úr olíu. Passið að ofelda þær ekki.
7. Setjið síðan rjóma, vatn og sinnep út á pönnuna. Látið suðuna koma upp og látið malla við vægan hita í um 5-10 mínútur.
8. Bragðbætið sósuna með rifnum piparosti, salti og pipar ef þarf.
9. Berið fram með saxaðri steinselju og parmesanosti.
10. Einnig er gott að bera fram með pasta.

Verði ykkur að góðu!

 

Höfundur: Erna Sverrisdóttir