Sparilegur fiskréttur sem sómir sér vel í matarboðinu og slær í gegn við fjölskylduborðið. Þeir sem eru á ketó þurfa enga sérmeðferð þegar þessi er borinn á borð.
Hráefni - fyrir fjóra
- 800 g ýsa skorin í bita (7-800 g)
- 3 paprikur, skornar smátt (2-3)
- 1⁄2 blaðlaukur, smátt skorinn
- 250 ml rjómi frá Gott í matinn
- 1⁄2 askja smurostur með papriku
- 1 Dala camembert, skorinn í bita
- 1 tsk. dijon sinnep
- 1 tsk. paprikukrydd
- 1⁄2 grænmetisteningur
- Rifinn gratínostur frá Gott í matinn, góð handfylli
Allt hráefnið er á innkaupalistanum, munið samt að kíkja í skápana til að sjá hvað er til heima, það er ekkert mála að taka af innkaupalistanum.
Aðferð
- Hitið ofn í 180 gráður.
- Skerið ýsuna í bita og saltið aðeins,.
- Leggið í smurt eldfast mót.
- Skerið grænmetið og setjið til hliðar.
- Bræðið saman í potti rjómann, smurostinn og helminginn af camembert ostinum, ásamt dijon sinnepi, paprikukryddi og grænmetisteningi.
- Smakkið til með svörtum pipar.
- Hellið sósunni yfir fiskinn.
- Dreifið grænmetinu því næst yfir og toppið með rifnum osti og restinni af camembert ostinum, skornum í litla teninga.
- Bakið í um það bil 20 mínútur eða þar til fiskurinn er eldaður í gegn og osturinn gullinbrúnn.
Njótið vel.
Höfundur: Berglind Hreiðarsdóttir
