Sannkallaður fjölskylduréttur frá Gott í matinn, í kvöld ganga allir glaðir frá borði. Rétturinn er fljótlegur í kaupbæti. 

Hráefni - fyrir fjóra til sex

• 300 g skrúfupasta
• 250 g ostafyllt pasta
• 5 stk. vínarpylsur/chorizo (um 300g)
• 1 stk. brokkólíhaus
• 1⁄2 stk. blaðlaukur
• 500 ml rjómi frá Gott í matinn
• hvítlauksduft
• 300 g Óðals Havarti krydd ostur
• ólífuolía
• salt, pipar 

Allt er á innkaupalistanum nema salt, pipar og ólífuolía til að steikja upp úr.

Aðferð

1. Sjóðið pasta samkvæmt leiðbeiningum á pakka.
2. Skerið pylsur í sneiðar og steikið upp úr ólífuolíu, leggið til hliðar.
3. Skerið brokkóli í munnstóra bita og blaðlauk í sneiðar.
4. Steikið brokkoli upp úr ólífuolíu, kryddið með salti og pipar og setjið þá um 3 msk. af vatni út á pönnuna. Hrærið varlega þar til vatnið gufar upp.
5. Þá má bæta smá olífuolíu aftur á pönnuna og bæta blaðlauknum við og steikja þar til hann verður mjúkur.
6. Geymið brokkoli og lauk til hliðar á meðan þið útbúið ostasósuna.
7. Hellið um helming rjómans á pönnuna og rífið Havartíostinn út í.
8. Hrærið vel þar til osturinn er bráðinn og bætið þá restinni af rjómanum saman við.
9. Kryddið ostasósuna til með salti, pipar og hvítlauksdufti.
10. Að lokum má hella pylsunum, grænmetinu og pastanu út á pönnuna og hræra öllu saman.

Verði ykkur að góðu!

Höfundur: Berglind Hreiðarsdóttir