Ljúffeng mexíkósk kjúklingasúpa sem er borin fram með sýrðum rjóma, nachosflögum og rifnum osti.
Hráefni - fyrir fjóra
- 400 g kjúklingakjöt
- 1 msk olía
- 1 stk laukur
- 6 stk plómutómatar skornir í bita
- 100 g blaðlaukur smátt saxaður
- 1 stk rauð paprika smátt söxuð
- 1 stk grænt chili fínt saxað
- 2 tsk paprikuduft
- 3 msk tómatpúrra
- 1 1⁄2 l kjúklingasoð (vatn og teningur)
- 2 dl salsa sósa
- 100 g rjómaostur til matargerðar frá Gott í matinn
Meðlæti í súpuna
- Sýrður rjómi frá Gott í matinn
- Nachos flögur
- Rifinn ostur frá Gott í matinn
Allt er á innkaupalistanum nema olía.
Aðferð
- Steikið saman í olíu kjúklingakjötið, laukinn, blaðlaukinn, paprikuna, grænt chilli og plómutómatana.
- Bætið í paprikudufti og tómatpurré, blandið vel saman.
- Hellið saman við kjúklingasoðið og látið sjóða í 15- 20 mín við vægan hita.
- Bætið salsasósu í súpuna ásamt klípum af rjómaostinum.
- Látið sjóða í 3-5 mín við vægan hita.
Berið súpuna fram með sýrðum rjóma, nachos flögum og rifnum osti.
Höfundur: Árni Þór Arnórsson