Spennandi uppskrift að lágkolvetna kjúklingarétti sem verður vonandi í uppáhaldi hjá ykkur í framhaldinu.

Hráefni - fyrir fjóra

• 4 stk. kjúklingabringur
• 1 poki spínat
• 1 stk. laukur
• 4 stk. hvítlauksrif
• 1 bakki sveppir
• 1⁄2 stk. Óðals Tindur
• smjör til steikingar
• salt og pipar
• rifinn mozzarellaostur frá Gott í matinn

Allt hráefni er á innkaupalistanum nema salt og pipar. Munið að kíkja í skápana og sjá hvað er til. Það er ekkert mál að taka af innkaupalistanum, takið bara hakið vinstra megin við vöruna af. 

Leiðbeiningar

1. Skerðu lárétta rifu í miðjuna á kjúklingabringunni þannig að það myndist eins konar vasi.
2. Steikið lauk, hvítlauk og sveppi á pönnu við miðlungs hita.
3. Setjið í skál til hliðar.
4. Steikið spínatið í stutta stund þar til safaríkt og mjúkt og skerið smátt.
5. Takið stóra skál og hellið mozzarella ostinum ofan í ásamt rifnum Óðals Tindi.
6. Blandið steikta grænmetinu vel saman við ostinn ásamt spínatinu.
7. Setjið fyllinguna ofan í vasann á kjúklingnum.
8. Gott er að halda fyllingunni inni í bringunni með tannstönglum (sem eru svo teknir úr áður en maturinn er borinn fram).
9. Kryddið bringuna fyrir steikingu með grófu salti, svörtum pipar og eðal kjúklingakryddi.
10. Steikið bringurnar upp úr íslensku smjöri þar til þær eru farnar að brúnast, eða í um 5 mínútur á hvorri hlið.
11. Setjið bringurnar í eldfast mót og bakið í ofni á blæstri (180°C) í 30 mínútur eða þar til fulleldaðar.

Gott er að kreista smávegis af lime yfir bringurnar í lokin. En það er algjört smekksatriði. 

Njótið!

Uppskriftin er af Gott í matinn og er eftir Tinnu Alavis.