Í þessari máltíð er gott jafnvægi milli allra orkugjafa, próteins, kolvetnis og fitu. Hollur og góður kvöldverður sem slær í gegn.
Hráefni:
- 840 gr Kjúklingaleggir
- 1,5 msk Jurtakrydd
- 1 stk Sæt kartafla
- 250 gr Bygg (má nota kínóa)
- 2 stk Tómatar
- 1 pk Kjúklingasósa
- 3 dl Nýmjólk
- 1 dl Vatn
Þarf að vera til heima: salt og olía
Leiðbeiningar:
- Stillið ofninn á 180°C
- Skrælið sætu kartöfluna og skerið í teninga (u.þ.b. 2 x 2 cm)
- Setjið kartöflurnar í skál með 3 msk af olíu, tveimur klípum af salti og 1½ matskeið af jurtakryddinu. Blandið öllu saman.
- Bakið í ofni við 180°C í 40-50 mín eða þar til kartöflurnar eru fulleldaðar. Hrærið í þeim 2-3 sinnum.
- Setjið kjúklinginn í eldfast mót og inn í ofninn og bakið við 180°C í 35-40 mínútur eða þar til hann er full eldaður.
- Setið byggið (250 gr) ásamt vatni í pott.
- Saltið vel í pottinn (3-4 tsk í 1 l af vatni) og sjóðið í 15-20 mín eða eftir leiðbeiningum á pakka.
- Hellið vatninu af bygginu, skerið tómatana í bita og hrærir út í byggið.
- Fyrir þau sem vilja má einnig bæta við tveimur smátt skornum vorlaukum, steinselju eða jafnvel smátt skornu mangó út í byggið.
- Setjið 1 dl vatn, mjólkina og kjúklingasósuna saman í pott og leyfið suðunni að koma upp. Mikilvægt að hræra reglulega.
- Þegar suðan kemur upp á sósan að malla í 2 mínútur. Hrærið allan tíman sem sósan mallar.
Verði ykkur að góðu!