Frábær mánudagsfiskur, seðjandi og góður.
Hráefni
- 600 g hvítur fiskur (t.d. þorskur, ýsa eða blálanga) skorinn í bita
- 250 g spergilkál, skorið í smáa knúpa
- 2 1⁄2 dl rjómi frá Gott í matinn
- 100 g hvítur eða blár Dala Kastali
- 4 msk möndluflögur
- smjör
- sjávarsalt og svartur pipar
Aðferð
- Stillið ofninn á 225°.
- Raðið fiskbitunum í eldfast mót smurt með smjöri. Saltið og piprið.
- Sjóðið spergilkálið í eina mínútu og látið vatnið síðan renna vel af því. Setjið á milli fiskbitanna og hellið rjómanum yfir.
- Myljið ostinn yfir og sáldrið hnetunum ofan á. Bakið í 20 mínútur.
Eftir Ernu Sverrisdóttur
