Æðislega gott pasta sem allir elska, krakkar jafnt sem fullorðnir.

Einfalt í framkvæmd og þæginlegur kvöldmatur.

Innihald

• 400-500 gr. pasta 
  500 gr. beikon
  500 ml. matreiðslurjómi
  1 rifinn villisveppaostur 
  1 box af sveppum
  2-3 hvítlauksrif
  Olía til steikingar

Aðferð

1. Sjóðið pastað skv. leiðbeiningum á pokanum. Þegar pastað er soðið má hella vatninu af því og láta það bíða.
2. Skerið beikonið í litla bita og sveppina í sneiðar. Hvítlaukurinn er hakkaður smátt eða pressaður. Steikið á pönnu upp úr olíu þar til að allt verður smá brúnt og mjúkt.
3. Næst er beikoninu bætt út í og það steikt þangað til það er allt gegnum steikt. Að lokum eru sveppirnir settir út í og þeir steiktir þangað til þeir eru mjúkir.
4. Þegar búið er að steikja beikon, sveppi og hvítlauk er rjómanum bætt út í. Þegar rjóminn er kominn út í er komið að ostinum. Mér finnst mjög gott að rífa ostinn niður með rifjárni ef að hann er ekki rifinn fyrir. Bætið honum saman við rjómann og leyfið honum að bráðna saman við. 
5. Að lokum er pastanu bætt út í og þetta látið malla í 2-3 mín. til viðbótar. Best er að láta þetta standa í svona 5 mín eftir að þetta er tilbúið. Við það þykkist sósan og pastað dregur meira í sig bragðefnin.

Það er svo einstaklega gott að saxa niður ferska steinselju og setja yfir og svo toppar það pastadiskinn að bera þetta fram með góðu hvítlauksbrauði.

Njótið vel !