Pitsa snúðar sem einfalt er að skella í og jafnvel geta krakkarnir tekið þátt í að baka þá og raða sínu hráefni á þá. Þetta gerist ekki einfaldara og allir geta mætt með nýbakaða snúða í nesti.
Innihald
- 400 gr pitsa deig
- 150 gr pitsa sósa
- 200 gr skinka
- 150 g rifinn ostur
- 1/2 msk oreganó krydd (val)
Aðferð
- Byrjið á að hita ofninn við 180 gráður
- Fletjið pitsadeigið út og setjið pitsasósu yfir deigið
- Skerið skinkuna niður í litla bita og raðið yfir pitsa deigið og stráið svo rifnum osti yfir.
- Rúllið deiginu upp og skerið niður í bita, leggið bitana á bökunarpappír og stáið aðeins meiri osti yfir yfirborð snúðanna og örlitlu oreganó kryddi ef þið viljið ekta pizza bragð
- Bakið í ofni í um 15 mínútur eða þar til að deigið er gullin brúnt og osturinn bráðinn.
Það getur svo verið gaman að breyta um hráefni, setja stundum pepperoni, sveppi, ananas eða rjómaost. Látið hugmyndaflugið ráða. Svo er tilvalið að frysta helminginn og eiga tilbúna í nesti næstu daga.
Njótið vel !
