Möndlugrautur með karamellusósu

Uppskrift dugar í um 10 glös/skálar (eftir stærð)

Möndlugrautur uppskrift

*Innihald: *

• 330 g Grautargrjón
• 1, 6 l nýmjólk
• 2 tsk vanilludropar
• 1 msk. smjör
• 2 msk. sykur
• ½ tsk. salt
• 250 ml rjómi
• 70 g flórsykur

*Aðferð: *

1. Bræðið smjörið í stórum potti og hellið mjólkinni næst saman við og hitið að suðu.
2. Þá má hræra hrísgrjónunum saman við og gott er að hræra nokkrum sinnum í þeim fyrstu mínúturnar til að þau festist síður við botninn.
3. Lækkið hitann vel niður og bætið sykri, vanillusykur og salti í pottinn.
4. Grauturinn má malla við vægan hita í um 40 mínútur og gott er að hræra í honum nokkrum sinnum á meðan.
5. Grautinn þarf síðan að kæla áður en öðrum hráefnum er hrært saman við hann. Hægt er að útbúa grautinn sjálfan deginum áður og geyma í kæli.
6. Léttþeytið saman rjóma og flórsykur og vefjið varlega saman við kældan grautinn. Gott er að brjóta grautinn fyrst upp með gaffli.
7. Setjið graut í fallegar skálar/glös og karamellusósu og möndluflögur yfir.

Karamellusósa og skraut

Innihald:

• 200 g Dumle karamellur
• 100 ml rjómi
• 100 g ristaðar möndluflögur

*Aðferð: *

1. Bræðið karamellur og rjóma saman í potti við meðalháan hita þar til slétt karamellusósa hefur myndast.
2. Leyfið karamellusósunni að ná stofuhita áður en hún er sett yfir grautinn, toppið með ristuðum möndluflögum.